Einn best gleymdi mesti meistari sögunnar

Árið 1958  settust Lev Polugaevsky og Rashid Gibiatovich Neznmetdinov að tafli á 28. rússneska meistaramótinu. Úr varð ein besta skák sögunnar.

Að margra áliti er Rashid Gibiatovich Neznmetdinov einn minnst þekkti besti skákmeistari sögunnar, ef svo má að orði komast. Hér er til dæmis fallegur sigur á Mikaeil Tal, þegar sá mikli töframaður stóð á hátindi ferils síns.

Hérna má lesa margt fróðlegt um meistarann, sem ættaður var frá Kazakstan, af þjóðflokki Tatara. Hann var snemma munaðarlaus og ferðaðist aldrei um lífið á fyrsta farrými. Hann sigraði Tal, Spassky og Petrosjan, auk annarra minni spámanna í hinum mikla sovéska skákskóla. Skákstíll hans var á köflum þannig að Mikail Tal virtist stöðubaráttumaður.

Rashid Gibiatovich Neznmetdinovlést í Kazan 1974,

Athugasemdir

[Sigurður Daði Sigfússon (IP-tala skráð) 21.1.2012 kl. 17:05]

Sæll Hrafn og takk fyrir að minnast á þennan svotil óþekkta snilling en hann hefur lengi verið í miklu uppáhaldi hjá mér eftir að ég komst yfir bók eftir hann sjálfan um bestu skákir sínar.  Hann var sjálfur ánægðastur með þessa skák gegn Polugaevsky þó mér finnist margar aðrar hjá honum enn betri.  Ég fór einmitt yfir hana á Goðakvöldi fyrr í vetur þegar ég hélt fyrirlestur um fórnir.  Tal og Neznmetdinov áttu það einmitt sameiginlegt að flestar fórnir þeirra voru svokallaðar innsæisfórnir þar sem ekki var hægt að reikna til enda hvort þær stæðust eða ekki.  Tölvur eru venjulega ekki hrifnar af þessari tegund fórna en sem betur fer virka þær oft vel á kolefnisheilana

 Bestu kveðjur,
Sigurður Daði